Experiencing Nagzira

Visited Nagzira wildlife sanctuary in Oct 2025. After 12  years visited the sanctuary again and inspite of the rainy season this Oct, had a great experience of the Nagzira Jungle :-)

वाघांच्या राजधानीत...

काही महिन्यांच्या उपासानंतर जंगलात फिरायला जायचं ठरलं. आज उद्यात तारखा ठरवू म्हणत माणसं ठरेपर्यंत दोन आठवडे गेलेच पण १६-१९ नोव्हेंबरला भाचेकंपनीसकट १० जण ताडोबाला जायला गोळा झालो. 

ताडोबा आणि अंधारी अभयारण्याचं  (Tadoba and Andhari Tiger Reserve - TATR) मुख्य वनक्षेत्र (core) हे ६२५.४ स्क्वेअर किलोमीटरचं आहे. आजूबाजूचं काही (buffer) क्षेत्र मिळून एकूण क्षेत्र साधारण १७२७ स्क्वेअर किलोमीटरचं आहे. कोअर भागात जाण्यासाठी कोलारा, नवेगाव, मोहारली गावातून दारे आहेत. बफर भागात जाण्यासाठी, कोलारा, पळसगाव, अलिझंझा ही प्रवेशद्वारे आहेत. आणखीही काही प्रवेशद्वारे आहेत पण वरील प्रवेशद्वारे प्रामुख्याने वापरली जातात. कदाचित या दारांपासून एका वेळी आत जाऊ शकणाऱ्या गाड्या जास्ती असल्याने किंवा या ठिकाणी पोहोचणं त्या मानानी सोपं असल्यामुळे तसं असावं. 

मोगलीच्या जंगलात - पेंच अभयारण्यात

डिसेंबर २०२० मध्ये पुन्हा एकदा जंगलात जायचा विचार सुरू झाला. यावेळी श्राव्याला पहिल्यांदाच जंगलात घेऊन जायचं म्हणून वेगळा उत्साहही होता. आदित्य, गिरिजा, प्रणवची ठरलेली एक जंगल सहल, २०२० च्या लॉकडाऊनमुळे घडली नव्हती. आम्ही त्यांना चिडवत होतो, आम्हाला सोडून जाणार होतात त्यामुळे लॉकडाऊन झाला, म्हणून आम्ही असताना जाऊया :). शेवटी ओंकार बापट (Wildlife Unlimited) बरोबर पेंचला जायचं नक्की झालं आणि त्याप्रमाणे कोण कोण येणार आणि वेळेत तिकीटे काढणं वगैरे विचार, चर्चा सुरू झाल्या.

जानेवारी २०२१ संपता संपता आदित्य, गिरिजा, प्रणव, श्राव्या, पार्थ, मी, सत्यजित आणि संहिता असे सगळे जायचं ठरवलं.

फेब्रुवारी २०२१ मध्ये पुन्हा एकदा कोविडला उधाण आलं आणि लॉकडाऊनचं सावट आलं. लॉकडाऊन होणार का नाही, कुठे होऊ शकतो, आम्हाला महाराष्ट्र आणि मध्य प्रदेशात जायचं असल्याने कोविड चाचण्या कराव्या लागणार का नाही असे सगळे प्रश्न निघायच्या ४ दिवस आधी उभे रहायला लागले. संहिताला आयत्यावेळी काही कारणानी येता येणार नाही असं कळलं. शेवटी २ दिवस आधी कोविड चाचण्या करून, सगळ्यांच्या प्रकृती उत्तम आहेत याचे दाखले घेऊन, आम्ही २६ फेब्रुवारीला पुण्याहून पेंचला जायला निघालो.